شرح تطبيق ميلون / MelOn بالتفصيل

مرحباً بمتابعي المدونة و اعزائنا البيبيز ^0^

بما أن الكثير يسألون عن تطبيق الميلون شنو هو ؟ ليش مهم ؟ شلون نقدر نقدم دعم عن طريقه ؟

قررنا نسوي هذي التدوينة و راح نحط لكم بالتفصيل كيف تدعمون بي اي بي فيه

 الشرح مقدم من صديقة ف شكراً جزيلاً لها

أولاً ماهو تطبيق ميلون ؟ 

تطبيق ميلون هو أكثر تطبيق أغاني شعبية في كوريا

و مهم جداً للمغنيين هذا التطبيق و الحصول على مراكز فيه يعتمد علو قوة الفاندوم الكوري غالباً

الشرح راح ينقسم إلى :

1 - شرح التحميل للآندرويد
(لايمكنكم شراء  الـMelon Pass باستخدام أجهزة الآندرويد لأنه فقط للمستخدمين الكوريين و لازم يكون الرقم كوري لأنه ياخذ من رصيدهم أو فاتورة التلفون ، بدون الـMelon Pass لا يحتسب الستريمنغ و لا يتحقق الدعم المطلوب )

2- شرح عمل حساب في الميلون

3 -شرح عمل Apple ID كوري + التحميل لمستخدمي الآيفون 

4-  شرح طريقة شراء الـMelon Pass لعمل ستريمنغ للأغاني في الآيفون و الآيباد فقط

أولاً : شرح التحميل للآندرويد :

حملوا التطبيق من هذا الرابط 

http://www.mediafire.com/download/arq7q2nmax0rfse/com.iloen.melon.apk

لكن أولاً لازم تسمحون للجهاز ينزل من برا البلاي ستور

روحوا للإعدادت بعدين الـSecurity

في شي فيه اختيار Unknown Resources

حطوا صح بالمربع بعدين فتحوا الرابط اللي فوق و نزلوا التطبيق منه

ليش ننزل من هذا الرابط ؟

لأنكم لو نزلتوا من الستور لازم يكون الستور كوري و تضطرون تغيرون VPN و خرابيط ف الرابط أحسن لكم

ثانياً : شرح عمل حساب في الميلون :

عشان تسوون حساب ادخلوا موقع الميلون من قوقل او اي متصفح

هذا الرابط 

http://www.melon.com/

فوق بالصفحة يمين اضغطوا اللي محدد بالأحمر

 بعدها راح تطلع هاذي الصفحة ، اضغطوا ع اللي تحت

و بعدين على هاذي الصفحة اختارو من فوق الخيار المحدد و اللي يعني (التسجيل عن طريق الايميل)

في مربع الايميل كتبوا الإيميل بدون @ 

مثلا لو ايميلي Baby@gmail.com

راح أحط بالخانة Baby

و اختار من الخيارات gmail.com

تحته كتبو الاسم بدون فراغات لا بآخر الكلام ولا بالنص ولا اي مكان

و بعدين علموا صح على كل المربعات اللي تحت 

 تلقائياً من أول ماتحطون صح ع المربع الأول راح ينحط ع المربعات الباقية

بعدها تطلع هاذي الصفحة عبوا البيانات مثل ما هو موضح ^

رقم التأكيد راح ينرسل على الايميل ، عادة الميلون تنرسل ايميلاتهم على الـspam mails 

فتأكدوا منها ، و اسمحوا انه يطلع الصور و المحتوى كامل

كوبي للرقم و حطوه لما تعبون البيانات

 بعد تعبئة البيانات مثل ماهو موضح فوق اضغطوا على الأخضر

بعدين راح تطلع هاذي الصفحة تعني انكم سويتوا الحساب ، اضغطوا على الكلمة الموضحة و بس

ثالثاً :  شرح عمل Apple ID كوري + التحميل لمستخدمي الآيفون : 

اول الـApple ID لازم يكون الستور الخاص فيه كوري ، عشان تسوونه مايحتاج إلا visa card

 اول من الآب ستور اضغطوا على هذا^

 بعدين هذا ^

 بعدين الخيار بالاحمر ثم Next

 بعدين Agree

 دخلو الايميل ، الباسوورد و تأكيده 

اسئلة أمان للحساب 

بعد ما تعبون البيانات كاملة اضغطوا على Next

اول شي اختارو نوع البطاقة اذا فيزا ولا ماستر كارد او اي بطاقة

تحت رقم البطاقة 

و السيكيوريتي كود يكون من ورا البطاقة

ثم تاريخ انتهاء البطاقة بالشهر و السنة

 بعدها اختاروا اول شي اسم العائلة

بعدين اسمكم

عند بروفينس (المحافظة) لازم تحطون عنوان كوري وهمي

طلعوه من اي موقع اذا حابين او كتبوا

Province : Seoul

 City : Seoul

Postcode : 06000

address : Seoul,Gangnam-gu

address : Seoul,Gangnam-gu

رقم التلفون لأن طبعا ماعندنا رقم كوري ، بالخانة الاولى كتبوا 000

و باللي بعدها كتبوا رقمكم العادي بدون رمز الدولة

و بعدين Next و بعدها اكدوا الحساب من الايميل

عند رسالة Veryfiy your Apple ID

و اختاروا Verfiy Now

و نزلوا الميلون من الآب ستور كتبو بالبحث Melon

 هذا شكل التطبيق ^

 عشان تدخلون على الحساب اللي سويتوه اختاروا المحدد بالأحمر

 بعدين أول وحدة

 كتبوا الآيدي و الباسوورد اللي سويناه

و اضغطوا الخضره

و جذي تكونون دخلتوا الحساب

رابعاً : شرح طريقة شراء الـMelon Pass لعمل ستريمنق

في تطبيق الميلون اختاروا المحدد بالاحمر فوق ^

تطلع لكم هاذي الصفحة اختارو اللي تبون منها

** من الشائع شراء الخيار الثاني و الذي يحتوي على (ستريمنغ غير محدود لمدة شهر + تحميل 30 أغنية)

و ذلك لان هناك نقاط تكسب حين يتم تحميل الأغنية أيضاً .

و بس تشترونه و تبدأون ستريمنغ على راحتكم

اذا في أي نقطة مو واضحة كبتوا بالتعليقات تحت 

في حال ماعرفتوا للفيزا و هالسوالف بعد هالشرح ، هاذي حسابات بيبيز مستعدين يسوونها لكم 

و تدفعون لهم بالـPay Pal